ظہیر عباس کی رحلت پر دلی صدمہ ہوا، لواحقین اور اہلیان چھومک کو تعزیت پیش کرتے ہیں، آغا علی رضوی

سکردو (پ ر) مجلس وحدت مسلمین پا کستان گلگت بلتستان کے سیکرٹری جنرل آغا علی رضوی نے اپنے ایک بیان میں کہا ہے کہ فرزند چھومک نامور سماجی رہنما ظہیر عباس کی رحلت پر دلی صدمہ ہوا۔ انکی رحلت چھومک سمیت پورے علاقے کے لیے ناقابل تلافی نقصان ہے۔ انکی رحلت سے جو خلا پیدا ہوا ہے اسے پر نہیں کیا جاسکتا۔ اس عظیم نقصان پر لواحقین اہلیان چھومک کو تعزیت پیش کرتے ہیں۔ آغا علی رضوی نے مزید کہا کہ مرحوم مثبت فکر و سوچ کے حامل علاقے کا درد رکھنے والا قیمتی اثاثہ تھا۔ ہمیشہ فعال رہتا تھا اور عوام میں شعور بیدار کرنے کے لیے مسلسل جدوجہد کرتے تھے۔ اس قومی نقصان پر جتنا افسوس کیا جائے کم ہے۔ لواحقین کو اس مصیبت کے موقع پر صبر کی تلقین کرتے ہیں اور مرحوم کے درجات کی بلندی کے لیے دعا گو ہیں۔